Кристиан Шецингер
Среќен сум што работам за Триглав Ре, една од најголемите компании во Словенија. Горд сум што сум дел од почитувана организација којашто го цени задоволството на клиентите и е активно вклучена во пошироката заедница. Можноста да дадам свој придонес во тимот што дава приоритет на соработката и се стреми кон побезбеден свет, а воедно расте во динамична средина е навистина извонредна. Во нашата индустрија, навистина е одлично тоа што во Триглав се чувствуваме како семејство.
Што е реосигурување и зошто е важно?
Реосигурувањето е осигурување на осигурителните компании. Секоја осигурителна компанија со којашто имате склучено договор, на пример, осигурување за автомобилот може да се реосигура кај другите осигурителни компании. Потоа реосигурителните компании, во случај на поголеми природни катастрофи, интервенираат и ја организираат исплатата, па затоа самата осигурителна компанија не мора да има голема сума на пари. Доколку загубите ги надминат финансиските извори на осигурителната компанија, тогаш реосигурувањето покрива дел од трошоците во замена за премиите за (ре)осигурувањето. Но, постојат и многу други причини зошто осигурителната компанија би имала реосигурување.
Врската помеѓу Словенија и Германија и моето преминување во Триглав Ре
Во Триглав Ре дојдов од голема компанија за реосигурување, каде што веќе беше постигнато многу во традиционалното работење за одредени пазари и за одредени клиенти. Триглав Ре е сè уште мал играч во споредба со големите компании за реосигурување, но со своите амбициозни цели за раст нуди сосема поинаков потенцијал. Среќен сум што сум дел од оваа приказна и што можам да придонесам за понатамошна интернационализација на компанијата.
Предизвиците и можностите во реосигурувањето и работата со луѓе
Реосигурувањето е секогаш предизвик, а пред сѐ затоа што вклучува работа со луѓе. Убаво е што во реосигурувањето нема граници, бидејќи оваа активност отсекогаш била меѓународна. И покрај моето 25-годишно искуство, сè уште не познавам многу пазари. Нови пазари и нови луѓе - нови предизвици. Уверен сум дека моите искуства што ги стекнав во последните три децении дефинитивно ќе бидат корисни.
Првиот контакт со Словенија и долгогодишната соработка со Триглав Ре
Словенија беше еден од првите пазари што ги посетив кога бев одговорен за Централна и Источна Европа (СЕЕ), малку по почетокот на 2000 година и во тоа време Триглав Ре беше мој клиент. Значи, Групацијата Триглав, а особено Триглав Ре ги познавам најмалку 25 години, а со тоа и словенечкиот осигурителен пазар, иако цело време не работев за Словенија. Интересно е тоа што во нашата индустрија често се среќаваме со различни функции. Ова понекогаш може да доведе до изненадувања. Додека работев на словенечкиот пазар, имав можност да се дружам со колегите од Групацијата Триглав и да работам работи и надвор од мојата канцеларија. Сега работиме заедно и се стремиме кон иста цел.
Живеам во Германија, а работам за словенечка компанија
Во суштина не е ни важно од каде работиш, особено ако работиш со луѓе. Технологијата ни овозможува да работиме од каде било. Најдобри примери за тоа се големите меѓународни брокерски куќи и нивната организација на работа. Важно е односот со клиентот да не страда, затоа работата на далечина ја гледам како предност, бидејќи може да го скрати патот до клиентите. Работа без негативни надворешни влијанија, дефинитивно е предност што ја зголемува ефикасноста. Кога ќе се јавам во канцеларија или кај клиентите, нема никаква забележителна разлика. Ова е исто како да сте добиле повик од Прага, Лондон или, пак, од соседната соба. Поинаку е на состаноците со тимот, тогаш секако дека си свесен за физичката дистанца којашто е неизбежна. Едноставно, не можеш само да отидеш кај колегите во соседната канцеларија. Но, токму тоа може да ѝ помогне на компанијата да ја зголеми својата агилност и интернационалност.
Големиот потенцијал на компанијата Триглав Ре и неговите конкурентски предности
Да се вратиме на реосигурувањето, бидејќи тоа е мојата специјалност: една од предностите е секако огромниот потенцијал што го има нашата компанија. Се надевам дека не се лажам, меѓутоа ако го погледнете развојот на пазарите за реосигурување во последните години, тука има многу можности. Убеден сум дека реосигурувањето игра важна улога во остварувањето на амбициозните стратешки цели на Групацијата. Групацијата Триглав е високо ценета, како на национално, така и на меѓународно ниво. Една од вредностите на Групацијата Триглав е едноставноста. Во она кратко време, кога сум во Триглав Ре, навистина ценам колку се брзи и ефикасни процесите за донесување на одлуки. Ова е исклучително корисно и дефинитивно претставува конкурентска предност.
Односот кон клиентите и значењето од постигнувањето на нивните цели
Мојот принцип отсекогаш бил, и сѐ уште е, на нашите клиенти да им дадеме гаранција дека сме сториле сè што е во наша моќ за да ги постигнеме нивните цели. Ова е подеднакво важно и за самите нас, бидејќи тоа не значи дека мора да правиме сè за клиентот и да ги занемариме сопствените цели. Наведените, секако дека се наша примарна задача. Мислам дека ова сосема добро се совпаѓа со мисијата на Групацијата Триглав и со нејзините вредности. Како што веќе реков, јас сум уверен во идните перспективи на Групацијата Триглав. Целите се дефинирани, но поголем предизвик е како сѐ да се вклучи во нивната реализација. Интернационализацијата не е секогаш лесна за органскиот раст. Неколку надворешни импулси понекогаш можат да делуваат како катализатор.
Рамнотежа меѓу работата и слободното време и важноста од полнење на батериите
Никој не сака да троши енергија додека работи. Верувам дека работата мора да претставува задоволство, како за вработениот, така и за работодавачот, а воедно мора да биде и разновидна, бидејќи во спротивно таа би била само погрешен избор. Реосигурувањето нуди најдобри услови за ова, бидејќи тоа е интересна и мотивирачка работа. На пример, уживам во разговорите со клиентите и кога сакаме заедно да ги развиваме работите. Меѓутоа, ние не сме машини и од време на време мора да ги наполниме нашите батерии. Тоа редовно го правам во природа. Кога ме прашуваат на што сум горд, секогаш велам дека „горд“ е многу моќен збор. Но сепак, барем малку сум горд што ми успеа пред неколку години да ја напуштам мојата зона на удобност и да тргнам по нов пат, сосема слободно и независно. Едноставно за да почувствувам и да доживеам што ми носи иднината. На сите можам да им препорачам да го пробаат ова, дури и ако тоа е само за неколку месеци. Јас, на новиот пат останав еве веќе неколку години.
Кристиан Шецингер е виш стручен соработник за склучување на реосигурување во Позаваровалница Триглав Ре
